Справаздача аб правядзенні Тыдня моў

Дата: 23 февраля 2021 в 11:24, Обновлено 23 февраля 2021 в 12:12

Автор: Беликова С. А.

116 просмотров

Ярка і запамінальна прайшоў у нашай школе з 15 па 21 лютага традыцыйны Тыдзень моў. Тыдзень праводзіўся з мэтай развіцця ў вучняў творчых здольнасцей, самастойнасці, фарміравання пазнаваўчага інтарэсу да моў; з мэтай выхавання грамадзянскіх і патрыятычных якасцей вучняў праз уключэнне іх у сумесную дзейнасць, накіраваную на ўшанаванне асноў беларускай дзяржаўнасці, на захаванне нацыянальнай свядомасці, любові да Радзімы і культурнай спадчыны беларускага народа.

15 лютага адбылося ўрачыстае адкрыццё Тыдня. ,,Мову родную люблю я“— пад такім дэвізам прайшоў Тыдзень моў у нашай школе. З гэтай нагоды ў фае школы для вучняў 1-10 класаў былі арганізаваны выставы кніг ”Гучы, роднае слова!“, ”Пісьменнікі–юбіляры 2020“. Актыўна навучэнцы паўдзельнічалі ў афармленні фае выказваннямі беларускіх аўтараў пра родную мову. У гэты ж дзень настаўнік беларускай мовы і літаратуры Спрытула Г.М. правяла сярод вучняў 4,6 класаў гульню-віктарыну ”Моўныя скарбы роднага краю“. Падчас правядзення якой дзеці з задавальненнем разгадвалі крыжаванкі, рыфмавалі словы, успомнілі беларускія казкі, прыказкі, прымаўкі.

16 лютага для вучняў 7-8 класаў была праведзена гульня-віктарына ”Ад прадзедаў спакон вякоў“, у час якой вучні праявілі сваю эрудыцыю, кемлівасць і актыўнасць. Займальны матэрыял гульнявога характару стварыў атмасферу спаборніцтва, даў магчымасць кожнаму вучню паказаць сябе.

17 лютага адбылася сапраўдная інтэлектуальная барацьба на мерапрыемстве ”Жыву ў Беларусі і тым ганаруся“ паміж вучнямі 2,4,5 класаў. Віктарына праходзіла ў некалькі этапаў. У першым туры вучням былі прапанаваны пытанні па беларускай мове. Яны не толькі ўзнавілі, але і сістэматызавалі раней набытыя веды па лексіцы і фразеалогіі, пашырылі свой слоўнікавы запас.

Другі тур быў прысвечаны народным традыцыям і святам Беларусі. Пры выкананні асобных заданняў навучэнцы праявілі кемлівасць і знаходлівасць, убачылі і адчулі, наколькі багатая і прыгожая, мілагучная і самабытная беларуская мова. Дзеці з вялікім захапленнем прынялі ўдзел у мерапрыемстве. Добразычлівая атмасфера, цікавыя заданні, наглядныя матэрыялы спрыялі прадуктыўнай працы вучняў. Пераможцы віктарыны – каманда ”Патрыёты“.

18 лютага вучні 3-6 класаў прынялі актыўны ўдзел у рэспубліканскім конкурсе ”Буслік–2021“. Падчас мерапрыемства ўдзельнікі мелі магчымасць не толькі паказаць свае веды і здольнасці, але і ўзбагаціліся новай змястоўнай інфармацыяй.

Цікава і займальна 18 лютага прайшло мерапрыемства па рускай мове ”Ведаем рускі!“ для вучняў 6-8 класаў, падрыхтаванае настаўнікам рускай мовы і літаратуры Савачкінай В.У. У час інтэлектуальна-пазнавальнай гульні вучні праявілі сваю эрудыцыю, кемлівасць і актыўнасць. Займальны матэрыял гульнявога характару стварыў атмасферу спаборніцтва, даў магчымасць кожнаму вучню паказаць сябе.

Адчуць пачуццё радасці і поспеху дазволіла пазакласнае мерапрыемства па рускай літаратуры ”Падарожжа ў свет рускай літаратуры“, якое было праведзена настаўнікам рускай мовы і літаратуры Савачкінай В.У. для вучняў 6-7 класаў. Стварэнню добразычлівай атмасферы спрыяла музычнае афармленне і вершы, падрыхтаваныя вучнямі. Дзеці з задавальненнем разгадвалі крыжаванкі, загадкі.

Тыдзень моў завяршыўся правядзеннем інтэлектуальна-пазнавальнай гульні ”Слабае звяно“. Удзельнікі мерапрыемства з задавальненнем узнавілі веды пра вусную народную творчасць, а таксама гісторыю беларускага краю.

Настаўнік беларуская мовы і літаратуры Г.М.Спрытула