Экскурсія " Да вытокаў малой радзімы".
Прадметы даўніны з'яўляюцца правадніком у гісторыю нашай краіны. Створаныя экспазіцыі: "Ткацтва і вышыўка", "Кавальская справа", "Ганчарства", "Дрэваапрацоўчыя промыслы і пляценне" ў школьным этнаграфічным музейным пакоі дапамагаюць далучаць навучэнцаў да нацыянальнай культуры і традыцый, прымушаюць іх з гонарам глядзець на тое, як жылі нашы продкі, спрыяюць фарміраванню патрыятычных пачуццяў. У рамках Тыдня музеяў для навучэнцаў 7- 8 класаў вучнямі- экскурсаводамі, падрыхтаванымі кіраўніком музейнага пакою Спрытула Г.М., была праведзена экскурсія "Да вытокаў малой радзімы". У час экскурсіі вучні даведаліся аб гісторыі стварэння этнаграфічнага музейнага пакоя, аб беларускіх мясцовых рамёствах, змаглі ўбачыць і дакрануцца да многіх экспанатаў, адчуць подых сівой даўніны.
