Моделируем с интересом !
Мадэліруем з цікавасцю!
Першы год у нашай школе працуе настаўнік працоўнага навучання, педагог дадатковай адукацыі Аднарогі Аляксандр Васільевіч. Ужо з першага занятка аб’яднання па інтарэсах “Мадэліраванне” яму ўдалося зацікавіць навучэнцаў. Мадэліраванне - новы від дзейнасці ў нашай школе, менавіта таму з урокаў хлопчыкі спяшаюцца у майстэрню, дзе іх чакае Аляксандр Васільевіч. Педагог адказна рыхтуецца да заняткаў аб’яднання па інтарэсах, бо разумее, што калі сёння не прапануеш дзецям нешта новае, заўтра яны згубяць інтарэс.
Не сакрэт, што ў сучаснасці бацькі больш увагі надаюць матэрыяльнаму забеспячэнню дзіцяці, у іх часта не застаецца часу для таго, каб навучыць дзіцяці элементарнаму, што неабходна ў паўсядзённым жыцці, таму аб’яднанне па інтарэсах карыстаецца вялікім попытам у хлопчыкаў.
Тэхнічнае мадэліраванне - гэта асаблівы від тэхнічнай працы, вынікам якога з'яўляецца мадэль тэхнічнага аб'екта або тэхнічнага збудавання. На працягу навучальнага года хлопчыкі не толькі навучацца працаваць з чарцяжамі, але і вырабляць мадэлі транспарту, геаметрычных фігур, кветак і інш, набудуць навыкі працы з інструментамі і прыстасаваннямі па апрацоўцы розных матэрыялаў.
Канечным вынікам стане прадстаўленне работ навучэнцаў у раённых творчых конкурсах, выставах аб’яднанняў па інтарэсах у канцы навучальнага года.
Заместитель директора по ВР С.И.Станулевич
 |
 |
 |
