Тыдзень беларускай мовы і літаратуры

Дата: 16 февраля 2021 в 16:22, Обновлено 16 февраля 2021 в 16:36

Автор: Беликова С. А.

130 просмотров

З 15 па 21 лютага ў школе праходзіць Тыдзень беларускай мовы і літаратуры.

Напярэдадні правядзення Тыдня была праведзена падрыхтоўчая работа: адбор матэрыялу для выкарыстання ў рамках Тыдня, падрыхтоўка літмантажоў і выстаў кніг.

Асноўнымі задачамi правядзення Тыдня з’яўляюцца:

павышэнне цiкавасцi вучняў да прадметаў ”Беларуская мова“ i ”Беларуская лiтаратура“, а таксама беларускай культуры, традыцый;
папулярызацыя беларускай мовы і літаратуры;
развiццё крэатыўных якасцей вучняў;
спрыянне самарэалiзацыi асобы;
развiццё індывідуальных здольнасцей адораных вучняў і выяўленне адоранасці ў працэсе сатворчасці;
далучэнне да лепшых узораў сучаснай беларускай творчасці;
выхаванне грамадзянскіх і патрыятычных якасцей вучняў праз уключэнне іх у сумесную дзейнасць, накіраваную на ўшанаванне асноў беларускай дзяржаўнасці.

Тыдзень адкрыўся азнаямленнем навучэнцаў з планам правядзення мерапрыемстваў, якія адбудуцца ў межах Тыдня.

Пачаўся Тыдзень з афармлення школьнага фае выказваннямі беларускіх пісьменнікаў пра родную мову, выставамі кніг ”Гучы, роднае слова!“, ”Пісьменнікі-юбіляры –2020“, якія падрыхтавала бібліятэкар Спрытула Г.М.

15 лютага сярод вучняў 4,6 класаў прайшла гульня-віктарына ”Моўныя скарбы роднага краю“. Падчас правядзення віктарыны дзеці з задавальненнем разгадвалі крыжаванкі, рыфмавалі словы, успомнілі беларускія казкі, прыказкі, прымаўкі.

16 лютага для вучняў 7-8 класаў была праведзена гульня-віктарына ”Ад прадзедаў спакон вякоў“, у час якой вучні праявілі сваю эрудыцыю, кемлівасць і актыўнасць. Займальны матэрыял гульнявога характару стварыў атмасферу спаборніцтва, даў магчымасць кожнаму вучню паказаць сябе.

Гэтыя мерапрыемствы мелі на мэце актывізацыю нацыянальнай самасвядомасці кожнага ўдзельніка.