“Фальклорная спадчына”– цікава і пазнавальна
У рамках аздараўленчага прышкольнага лагера ”Вясёлка“ праводзяцца заняткі аб’яднання па інтарэсах ”Фальклорная спадчына“. Праз цікавыя гульні, конкурсы, віктарыны дзеці пазнаюць беларускі фальклор, далучаюцца да традыцый і культуры беларускага народа. Заняткі праходзяць з цікавасцю і спрыяюць выхаванню нацыянальнай свядомасці, любові да малой Радзімы і культурнай спадчыны беларускага народа.
Падчас правядзення віктарыны ”У гасцях у беларускай казкі“, гульні-віктарыны ”Залацінкі народнай мудрасці“ вучні паказалі ўменні валодаць роднай мовай, абагульняць і класіфіцыраваць назвы прадметаў у групы, падбіраць рыфмы да беларускіх слоў, успомнілі беларускія казкі, прымаўкі і прыказкі. Займальны матэрыял гульнявога характару даў магчымасць кожнаму вучню паказаць сябе. Стварэнню добразычлівай атмасферы спрыялі вершы беларускіх пісьменнікаў на роднай мове, падрыхтаваныя вучнямі.
Работа аб’яднання па інтарэсах “Фальклорная спадчына” будзе працягнута і пасля канікул. Навучэнцаў чакае ўдзел у этна-маршруце, беларускіх абрадах, прадоўжыцца работа па зборы інфармацыі і экспанатаў для этнаграфічнага музейнага пакоя.
Кіраўнік аб’яднання па інтарэсах
“Фальклорная спадчына” Спрытула Г.М.
 |
 |
 |
 |
